10 óńirde «Eolus» qarjy pıramıdasyn uıymdastyrýshylarǵa qatysty is tergelip jatyr

<p>Qazaqstannyń 10 óńirinde &laquo;Eolus&raquo; kompanııasynyń qarjy pıramıdasynyń qurylymdyq bólimsheleriniń basshylaryna qatysty qylmystyq ister tergelip jatyr, dep habarlaıdy <a href="https://kaz.inform.kz/" target="_blank" rel="noopener">Kazinform</a>&nbsp;<a href="https://www.gov.kz/memleket/entities/afm/press/news/details/649728?lang=kk" target="_blank" rel="noopener">QR QMA Baspasóz qyzmetine</a> silteme jasap.&nbsp;</p>

Qylmystyq is Abaı, Aqmola, Aqtóbe, Atyraý, Shyǵys Qazaqstan, Batys Qazaqstan, Jetisý oblystarynda, sondaı-aq Almaty, Astana jáne Shymkent qalalarynda tirkeldi. 

Uıymdastyrýshylar «ENERGY EOLUS QAZAQSTAN» JShS-in bir azamattyń atyna tirkeý arqyly ony ózderiniń qylmystyq is-áreketine tartqan.

Salymshylar qarajatty ınvestıtsııalaý kezinde aqshany alý úshin qajetti somany jınaqtaı otyryp, kún saıyn 2,5-ten 3,5% - ǵa deıin paıda alady.

Jańa paıdalanýshy tartylǵan kezde salym somasynyń 10% mólsherinde birjolǵy aqshalaı syıaqy, sondaı-aq jańa paıdalanýshynyń jyl ishindegi kúndelikti tabysynyń 4%-y tólenedi. Osylaısha, syıaqy somasy jyldyq 3 000%-dy qurady. 

Qazaqstandaǵy ókil aqsha qarajatyn ekinshi deńgeıdegi banktegi óz shotyna qabyldaıdy, sodan keıin krıptobırjaǵa aýdaryp, aıyrbastaýdy júrgizedi. Sońynda krıptoshelek arqyly «energyeolus.top» platformasyndaǵy óz shotyna aýdarady. 

Keminde 3 000-ǵa jýyq adam qylmystyq áreketke tartylǵan, onyń ishinde 1 773 salymshy 259 mln teńge somaǵa múliktik zııan keltirilgeni jaıly ótinish bergen. 

Eske sala keteıik, qarjy pıramıdalaryn qurǵandar qylmystyq jaýapkershilikke tartylady jáne múlki tárkilenip, 10 jylǵa deıingi merzimge bas bostandyǵynan aıyrylady.