10 óńir jańa mektep salý josparyn tolyq oryndamaı otyr
«Bilim sapasyn arttyrýda mektepterdiń zamanaýı pándik kabınettermen qamtamasyz etilýi mańyzdy ról atqarady. 2021 jyly jospar boıynsha 949 mektepke 1 825 pán kabıneti satyp alynyp, jospar oryndaldy. Bıylǵy jyly fızıka, hımııa, bıologııa, STEM pándik kabınettermen mektepterdiń 70 paıyzy qamtylatyn bolady. Alaıda bizdegi aqparatqa sáıkes Ulytaý, Jambyl oblystarynda tıisti qarajatty bólý sheshimin tappaǵan, ákimdikterden bul máseleni qolǵa alýdy suraımyn. Jyldyń sońyna deıin ýaqyt bar, osy jumysty baqylaýǵa alýǵa ótinish bildiremin», - dedi mınıstr.
Onyń dereginshe, mektepterdi jaıly, qaýipsiz ári zamanaýı bilim berý ortasymen qamtamasyz etý maqsatynda 2021 jyly josparlanǵan 200 mekteptiń ornyna 277 bilim ordasy ashyldy. Buǵan jeke sektordyń belsendi qatysýy sebep boldy.
«Sonymen qatar, 10 óńir 42 jańa mektep pen 21 myń oqýshy ornyn iske qosý boıynsha jospardy tolyq oryndamady. Biz jekemenshik mektepterdiń jelisin arttyrýdamyz. Endi bıyl 214 myń orynǵa arnalǵan 225 mektep salý josparlanyp otyr. Onyń ishinde qazirgi ýaqytta 22 myń orynǵa 49 mektep paıdalanýǵa berildi. Ár óńir, ár aýyl men qala boıynsha naqty kórsetkishter bekitilgen. Osy táýekelderdi boldyrmaý úshin ákimdikter mektepterdi iske qosý merzimderiniń buzylýyna jol bermeýlerin suraımyn», - dedi ol.