10 naýryzda Portýgalııada kezekten tys parlament saılaýy ótedi

<p>10 naýryzda Portýgalııada kezekten tys parlament saılaýy ótedi. Bul týraly el prezıdenti Marselý Rebelý de Soýza málim etti, dep habarlaıdy Kazinform <a href="https://ru.euronews.com/2023/11/09/portugal-government-crisis" target="_blank" rel="noopener">Euronews </a>arnasyna silteme jasap.</p>

Portýgalııa prezıdenti Marselý Rebelý de Soýza beısenbi kúni sybaılas jemqorlyq daýyna qatysy bar premer-mınıstr Antonıý Koshtanyń kútpegen jerden otstavkaǵa ketýine baılanysty Memlekettik keńestiń kezekten tys otyrysyn ótkizdi.

Memleket basshysy parlamentti taratyp, 2024 jyldyń 10 naýryzynda kezekten tys jalpy saılaý ótetinin habarlady.

Burynǵy ınfraqurylym mınıstri Pedrý Nýný Santýshtyń Antonıý Koshtanyń ornyna Sotsıalıstik partııanyń kóshbasshysy bolý múmkindigi bar dep esepteledi.

Osyǵan deıin Portýgalııa premer-mınıstriniń jemqorlyqqa qatysy bar degen kúdikpen otstavkaǵa ketkenin jazdyq.