10 myńnan astam azamat áleýmettik jáne eńbek máseleleri boıynsha málimet aldy

ASTANA. QazAqparat - QR DSÁDM jergilikti atqarýshy organdarmen birlese uıymdastyrǵan aqparattyq-túsindirý jumystary aıasynda elimizdiń 10 261 azamattary áleýmettik qorǵaý jáne jumyspen qamtý salasyndaǵy zańnamalardyń negizgi ózgeristeri týraly keńester aldy, dep habarlaıdy QR Densaýlyq saqtaý jáne áleýmettik damý mınıstrliginiń baspasóz qyzmeti.

QR DSÁDM Eńbek, áleýmettik qorǵaý jáne kóshi-qon komıtetiniń aýmaqtyq departamentteriniń, óńirlerdegi jumyspen qamtý jáne áleýmettik baǵdarlamalar basqarmalary men jumyspen qamtý ortalyqtarynyń qyzmetkerleri naýryz aıynan bastap eldi mekenderdiń 2 659 turǵynymen jáne 987 kásiporyndar men uıymdardyń qyzmetkerlerimen kezdesýler ótkizdi.

10 261 aqparattyq-túsindirý jumystarymen qamtylǵan azamattardyń ishinde  6 850-i jumyspen qamtý jáne «Órleý» jobasynyń júzege asyrylýy týraly, 811-i zeınetaqymen qamsyzdandyrý týraly, 666-si múgedekterdi áleýmettik qorǵaý jáne 912-si basqa da áleýmettik-eńbek salasy boıynsha keńester aldy.

26-27 mamyrda QR Densaýlyq saqtaý jáne áleýmettik damý mınıstrliginde QR DSÁDM aımaqtyq komıtetteriniń, óńirlerdegi jumyspen qamtýdy úılestirý jáne áleýmettik baǵdarlamalar basqarmalarynyń jáne vedomstvoǵa baǵynysty uıymdardyń ókilderi úshin densaýlyq saqtaý jáne áleýmettik-eńbek salalaryndaǵy memlekettik saıasattyń negizgi baǵyttary boıynsha oqytý semınarlary ótkenin bolatyn.

Semınar qatysýshylaryna halyq arasynda áleýmettik kómek, áleýmettik qamsyzdandyrý, jumyspen qamtý jáne densaýlyq saqtaý salalaryndaǵy zańnamalardaǵy negizgi ózgerister týraly aqparattyq-túsindirý jumystaryn ótkizý boıynsha usynymdar berildi.