10 myńnan astam taksı júrgizýshisi pılottyq jobaǵa qatysyp jatyr

<p>ASTANA. KAZINFORM &ndash; Memlekettik kirister komıteti &laquo;ıAndekspen&raquo; birlesip Astana jáne Almaty qalalarynda platformalyq jumyspen qamtý boıynsha pılottyq jobany iske qosty. Oǵan &laquo;ıAndeks.taksı&raquo; qosymshasy arqyly qyzmet kórsetetin taksı júrgizýshileri (kýrerler) qatysa alady. &nbsp;</p>

Komıtettiń baspasóz qyzmeti qazirgi ýaqytta jobaǵa 10 myńnan astam taksı júrgizýshini qatysyp jatqanyn málimdedi.

Taksı júrgizýshileri úshin pılottyq jobaǵa qatysýdyń artyqshylyǵy:

- taksı parkteriniń deldaldyq qyzmetterin alyp tastaý. Bul únemdelgen aqshany salyq pen áleýmettik tólemderdi tóleýge baǵyttaýǵa múmkindik beredi. Osylaısha taksı júrgizýshisi áleýmettik qamsyzdandyrý júıesine tartylatyn bolady;

- jeke kásipker retinde tirkelý ońaı, salyq organdaryna barmaı-aq, ıAndeks platformasy arqyly tirkelýge bolady;

- alynǵan tabystyń 1% mólsherinde jeke tabys salyǵyn tóleý, al qyzmetkerdiń tabysynan salyq 10% mólsherinde ustalady;

- salyq eseptiligin usyný jáne salyqtar men áleýmettik tólemderdi esepteýdiń qajeti joq. Júrgizýshiniń kelisimi boıynsha salyqtar men áleýmettik tólemderdi ustap qalý men aýdarýdy ıAndeks júrgizetin bolady.

Sondaı-aq Glovo, Wolt, InDrive jáne basqa da osy sııaqty kompanııalardy pılottyq jobaǵa qatystyrý josparlanyp otyr.