10 myńnan astam qazaqstandyq mektep oqýshylary frantsýz tilin oqıdy

<p>QR Bilim mınıstrligi qazaq mektepterinde frantsýz tilin úırenýge qatysty statıstıkalyq málimetterdi aıtty, dep habarlaıdy <a href="Kazinform" target="_blank" rel="noopener">Kazinform.</a></p>

- Qazirgi ýaqytta 8 mektepte 380 oqýshy frantsýz tilin birinshi shet tili retinde, 38 mektepte 9 948 oqýshy ekinshi shet tili retinde oqyp jatyr, - delingen mınıstrliktiń redaktsııanyń resmı saýalyna bergen jaýabynda.

Vedomstvo ekinshi shet tilin (nemis, frantsýz) tańdaý páni retinde oqytý qoǵamdyq-gýmanıtarlyq mektepterde (gımnazııalarda) oqýshylardyń qajettilikterin, muǵalimderdiń qoljetimdiligin jáne ata-analardyń pikirlerin eskere otyryp júrgiziletinin aıtty. 

Esterińizge sala keteıik, bıylǵy jyldyń 1 qarashasynda Qazaqstan Prezıdenti Qasym-Jomart Toqaev elimizde frantsýz mektepterin ashý josparyn jarııalaǵan bolatyn.

Vedomstvonyń buǵan deıin habarlaǵanyndaı, qazirgi ýaqytta QR Bilim mınıstrligi halyqaralyq mektepterdi ashý týraly kelisimdi júzege asyrý boıynsha jumys tobyn qurý jumystaryn júrgizip jatyr. Kelisimge sáıkes 2025 jylǵa deıin Astana men Almaty qalalarynda frantsýz tilinde oqytatyn mektep ashý jospary bar.