10 maýsymnan bastap elimizden aǵashtyń jekelengen túrlerin eksporttaýǵa tyıym salyndy

ASTANA. QazAqparat – Indýstrııa jáne ınfraqurylymdyq damý mınıstri «Aǵash materıaldarynyń jekelegen túrlerin áketýdi retteýdiń keıbir máseleleri týraly» buıryqqa qol qoıdy, dep habarlaıdy QazAqparat tilshisi.

«Qazaqstan aýmaǵynan taýar kody 4401 (otyn retinde paıdalanylatyn bóreneler), 4403 (otyn retinde paıdalanylatyn óńdelmegen aǵashtar), 4404 (óńdelmegen aǵash qadalar men baǵanalar), 4406 (temirjol nemese tramvaı joldaryna arnalǵan aǵash bóreneler) jáne 4407 (qalyńdyǵy 6 mm asatyn aramen kesilgen nemese syndyrylǵan aǵashtar) bolatyn aǵash materıaldaryn áketýge 6 aı merzimge tyıym salý engizilsin», - delingen mınıstr M.Qarabaev qol qoıǵan buıyryqta.

Bul eksporttyq shekteý 10 maýsymnan bastap kúshine enedi.

Qosa ketsek, buǵan deıin janar-jaǵarmaıdy shekaradan shyǵarýǵa qoıylǵan shekteý taǵy 6 aıǵa uzaratynyn habarlap edik.