10 maýsymda kún tutylady

ALMATY. QazAqparat - Bıyl 10 maýsymda kún saqına tárizdi tutylady. Qazaqstandyqtar sırek kezdesetin qubylysty tústen keıin tamashalaı alady, dep habarlaıdy QazAqparat tilshisi.

V.G.Fesenkov atyndaǵy astrofızıkalyq ınstıtýtynyń juldyzdar jáne tumandyqtar fızıkasy zerthanasynyń meńgerýshisi, fızıka-matematıka ǵylymdarynyń kandıdaty Lıýbov Shestakovanyń aıtýynsha, 2021 jyly kúnniń tórt tutylýy bolady. Olardyń tek bireýi ǵana kórinedi.

«Kúnniń tutylýyn erteń baıqaýǵa bolady. Bul qubylys saqına tárizdi bolady. Bul óte sırek kezdesetin jáne tańǵajaıyp oqıǵa. Kún tutylý beldeýi Soltústik Amerıka, Soltústik muzdy muhıt, Reseıdiń soltústik-shyǵys bóligi arqyly ótedi. Qazaqstan aýmaǵynda tutylýdyń tek jekelegen fazalary ǵana kórinýi múmkin. ıAǵnı, eldiń soltústik-shyǵys oblystarynda Pavlodar, Petropavl, Óskemen, Semeı qalalarynda anyq baıqalady», - dedi ol.

Nur-Sultanda kúnniń tutylýy saǵat 17.15-te bastalyp 19.03-te aıaqtalady. Bul qubylys shamamen saǵat 18:11 kezinde anyq kórinedi.

Almatyda kúnniń tutylýyn 17:44-ten bastap, 19:05-ke deıin tamashalaýǵa bolady. Ásirese 18:26 shamasynda bul qubylys anyǵyraq baıqalady.

Bıyl 4 jeltoqsanda kún taǵy tutylýy múmkin. Biraq ony tek Antarktıda men onyń aınalasynan ǵana kórýge bolady.