10 qańtardan aqshany Qazposhtadan alýǵa bolady
00:16, 10 Qańtar 2022
NUR-SULTAN. QazAqparat – 10 qańtardan bastap aqshany «Qazposhta» bólimshelerinen alýǵa bolady. Bul týraly «Qazposhta» aktsıonerlik qoǵamynan málim etti, dep habarlaıdy QazAqparat «Habar 24» telearnasyna silteme jasap.
Erteń «Qazposhtanyń» eldegi barlyq bólimsheleri ashylady jáne zeınetaqy tólemderi iske asyryla bastaıdy.
«Qazirgi tańda bankomattarǵa aqsha salý jumysy bastalyp ketti. Osy rette 10 qańtardan bastap Kazposhta bólimsheleri men bankomattarynnan aqsha sheshýge bolady. Sonymen birge Qazaqstan boıynsha magıstraldi baǵyttardyń iske qosylýyna baılanysty kompanııa 10 qańtardan bastap poshtalyq qyzmetin qaıta bastaıdy», - dedi Qazposhta AQ departamentiniń dırektory Alına Janqulova.