Qala ákimdigi baspasóz qyzmetiniń málimetinshe, qańtardyń 9-nan bastap Kókshetaý qalasynda «Saryrqa shaǵynaýdany - 20-shy mektep» baǵytymen perzenthana arqyly №23 avtobýs marshrýty jolǵa shyǵady. Qala turǵyndary smartfondaǵy «INFOBUS» qosymshasy arqyly qalaishilik avtobýstardyń marshrýttaryn baqylaı alady.
«Sonymen birge, qalalyq avtobýs parkteriniń basshylary Taldyqorǵan qalasyndaǵy áriptesteriniń bastamasyn qoldap, saılaý kúni jolaýshylardy tegin tasymaldaýǵa sheshim qabyldady. Osyǵan baılanysty 10 qańtar kúni Kókshetaý qalasyndaǵy avtobýstarda turǵyndar tegin júretin bolady», - dedi vedomstvodan.