10 qańtar neke kúni ǵana emes, alǵashqy otbasylyq saılaý kúni retinde este qalady - elordalyqtar
10:51, 10 Qańtar 2021
NUR-SULTAN. QazAqparat - Nur-Sultan qalasyndaǵy №144 saılaý ýchaskesinde jas jubaılar daýys berdi, dep habarlaıdy ákimdiktiń resmı saıty.
Jańadan úıli bolǵan erli - zaıyptylardyń pikirinshe, el úshin mundaı mańyzdy kúni tańdaý jasaý — árkimniń azamattyq boryshy. Sondyqtan, úılený toıynyń daıyndyǵyna qaramastan Fahat Janbekov pen Botagóz Kaltaeva ýchaskege kelýge sheshim qabyldady.
Osylaısha, 10 qańtar tek neke kúni ǵana emes, sonymen qatar alǵashqy otbasylyq saılaý kúni retinde de este qalady.
«Búgin bizdiń ómirimizde eki ese mańyzdy kún. Elimiz úshin osyndaı aıtýly kúni otbasymyzdyń qurylǵanyna óte qýanyshtymyn», — deıdi Botagóz.
Jas jubaılar daýys bergen saılaý ýchaskesinde 2 706 adam tirkelgen.