10 qańtar kúni Qazaqstanda ótetin mańyzdy sharalar tizimi
NUR-SULTAN
11.00-de Qazaqstan Respýblıkasynyń Sybaılas jemqorlyqqa qarsy is-qımyl agenttiginde brıfıng ótedi.
15:00-de QR Prezıdenti janyndaǵy Ortalyq kommýnıkatsııalar qyzmetiniń alańynda Almaty oblysyndaǵy BekAir áýekompanııasy ushaǵynyń apaty sebepterin anyqtaý boıynsha úkimettik komıssııa jumysynyń aldyn ala boljamy boıynsha málimdeme jasalady.
15.00-de QR Ulttyq akademııalyq kitaphanasynda Qazaqstan Jazýshylar odaǵynyń múshesi, aqyn ári aýdarmashy Tóregeldi Rahmanberdiuly Tuıaqbaıdyń «Sózbıi - tetralogııa» (myń bir sózbıi kitaby) kitabynyń tusaýkeseri jáne «Aıttym sálem» atty poezııalyq-mýzykalyq keshi ótedi.
15.00-de L.Gýmılev atyndaǵy Eýrazııalyq ulttyq ýnıversıtetinde QR Prezıdenti Qasym-Jomart Toqaevtyń Abaı Qunanbaevtyń 175 jyldyǵyn atap ótý aıasynda jazǵan «Abaı jáne XXI ǵasyrdaǵy Qazaqstan» atty maqalasyn talqylaýǵa arnalǵan shara ótedi.
19.00-de «Qazaqstan» ortalyq kontsert zalynda QR Ulttyq ulany Án-bı ansambliniń HII Gala-kontserti ótedi.
ALMATY
11.00-de «Turan» ýnıversıtetinde Almaty qalasy Qoǵamdyq keńesiniń otyrysy ótedi: «Almaty qalasynyń erekshe mártebesi týraly» QR zańy tanystyrylady.
11.00-de Almaty qalasy ákimdiginiń baspasóz ortalyǵynda «Ataýly áleýmettik kómek kórsetýdiń jańa modeli» taqyrybynda brıfıng ótedi.
11.00-de Almaty menedjment ýnıversıtetinde «Aq jol» demokratııalyq partııasy parlamenttik oppozıtsııa týraly zań jobasyn talqylaýǵa arnalǵan dóńgelek ústel ótkizedi.
11.00-de Qazaqstan Respýblıkasy Ulttyq kitaphanasynyń N.Dáýletova zalynda «Eldar Ismaılov Qazaqstanda» kitap albomynyń tusaýkeseri ótedi. Kitap albom Dúnıejúzilik ázerbaıjandyqtar kongresi Tóralqasynyń múshesi, Altyn qalam ıegeri, túrki áleminiń aqsaqaly Eldar Ismaılovqa arnalǵan.