10 qalada atmosferalyq aýanyń lastaný ındeksi joǵary – mınıstr Myrzaǵalıev
Jıyn barysynda 2020 jylǵy qyzmet qorytyndylary men orta merzimdi kezeńdegi negizgi mindetter talqylandy.
«Qazaqstanda atmosferaǵa zııandy zattardy kóp shyǵaryp otyrǵan 8-10 Jylý elektr ortalyǵy bar jáne 4-5 iri kásiporyn jumys istep tur. Barlyq kúsh-jigerdi solarǵa baǵyttaý kerek. Osy baǵytta keshendi sharalardy aıqyndap ta qoıdyq», - dedi mınıstr.
M.Myrzaǵalıev atap ótkendeı, Qazaqstanda 2 mlrd aǵash otyrǵyzý, sýarmaly jerlerdiń kólemin ulǵaıtý sharalary qarastyrylyp jatyr.
El ekologııasyn damytý, tabıǵatty jáne janýarlar dúnıesin qorǵaý boıynsha 2020 jyly mınıstrlik úlken jumystar iske asyrylǵany jetkizildi. Dese de, qoǵam ókilderimen birlesip atqaratyn jumystardyń da jetkilikti ekeni tilge tıek etildi.
«Búgingi kúni respýblıka boıynsha 10 qalada atmosferalyq aýanyń lastaný ındeksi joǵary bolyp tabylady. Ol – Almaty, Temirtaý, Jezqazǵan, Óskemen, Nur-Sultan, Aqtóbe, Balqash, Qaraǵandy, Atyraý, Shymkent qalalary. Sondyqtan, biz 2020 jyly Ekologııalyq kodeksti jańa redaktsııada qabyldadyq. 16 óńirde aımaqtardaǵy ekologııalyq ahýaldy jaqsartý jónindegi Jol kartalary bekitildi, Jaıyq ózeni basseıniniń ekojúıesin saqtaý jáne qalpyna keltirý jónindegi Qazaqstan-Reseı yntymaqtastyǵynyń baǵdarlamasyna qol qoıyldy», - dep atap ótti mınıstr.