10 aıda respýblıka boıynsha 9,7 mıllıon tonna shıki munaı óńdeldi

ASTANA. Qarashanyń 16-sy. QazAqparat /Rýslan Ǵabbasov/ - Sońǵy 10 aıda respýblıka boıynsha 9,7 mıllıon tonna shıki munaı óńdeldi.

Óńdelgen ónimdegi «QazMunaıGaz» UK» AQ-nyń úlesi 17 paıyz. Bul týraly búgin Úkimette ótken selektorlyq keńeste atalǵan kompanııanyń basshysy Qaıyrgeldi Qabyldın málim etti, dep habarlaıdy QazAqparat.

Onyń aıtýynsha, benzındi óndirý kólemi respýblıka boıynsha  2 mıllıon tonnany qurady.  Onyń ishinde «QazMunaıGaz» kompanııasynyń úlesine 10 paıyz. Sonymen birge «Gelıos» jáne «TorǵaıPetrolıým» kompanııalarynda sáıkesinshe 48 jáne 18 paıyzdan óndirdi.

Q. Qabyldınniń sózine qaraǵanda, 10 aıda ótken jyldyń osy kezeńimen salystyrǵanda benzınniń jetkizilimi artqan. Atap aıtqanda, Almatyda benzınniń  jetkizilimi 2008 jylǵa qaraǵanda 49 paıyzǵa joǵarylaǵan.