10 aıda 11,3 mln tonna munaı ónimderi óndirildi
10:06, 30 Qarasha 2021
NUR-SULTAN. QazAqparat – 2021 jyldyń 10 aıynda 11,3 mln tonna munaı ónimderi óndirildi. Bul týraly Úkimet otyrysynda QR Energetıka mınıstri Maǵzum Myrzaǵalıev aıtty, dep habarlaıdy QazAqparat tilshisi.
«Munaı óńdeý zaýyttaryn jańǵyrtý aıaqtalǵannan keıin óndirý kóleminiń ósýi baıqalady. Osy jyldyń 10 aıynda munaı ónimderin óndirý kólemi 11,3 mln tonnany nemese 2020 jyldyń osyndaı kezeńimen salystyrǵanda 109 paıyzdy qurady», - dedi óńdeý ónerkásibin damytý týraly baıandaǵan mınıstr.
Onyń atap ótýinshe, munaı ónimderin óndirýdiń 2021 jylǵa arnalǵan jospary 13,1 mln tonnany nemese 2020 jylǵy kórsetkishtiń 105 paıyzyn quraıdy.