10 aı ishinde ınflıatsııanyń ortasha jyldyq deńgeıi 7,6 paıyzdy qurady

A. Qarashanyń 23-i. QazAqparat /Rýslan Ǵabbasov/ - 10 aı ishinde ınflıatsııanyń ortasha jyldyq deńgeıi 7,6 paıyzdy qurady. Bul týraly búgin Astanada ótip jatqan IV Azamattyq forým barysynda Ekonomıka jáne bıýdjettik josparlaý mınıstri Baqyt Sultanov málim etti,

dep habarlaıdy QazAqparat.

 «Daǵdarysty eńserýge baǵyttalǵan sharalardyń nátıjesinde makroekonomıkalyq turaqtylyq, onyń ishinde ІJÓ-niń ósimi saqtaldy», dedi mınıstr.

 Onyń aıtýynsha, bıylǵy jyldyń qazan aıynda ınflıatsııa deńgeıi 5,3 paıyzdy qurady. Bul 2008 jyldyń qazan aıymen salystyrǵanda 3,7 paıyzǵa tómen. 10 aı ishinde ınflıatsııanyń ortasha jyldyq deńgeıi 7,6 paıyzdy qurady. Bul ótken jyldyń sáıkes merzimine qaraǵanda 11,1 paıyzdyq shamaǵa tómen.

 «Inflıatsııa deńgeıiniń tómendeýi halyqtyq naqty tabystarynyń jáne jalaqylardyń ósýine alyp keldi. 9 aıdyń ishinde halyqtyń jan basyna shaqqandaǵy ortasha naqty tabystarynyń - 3,3 paıyzǵa, al jalaqy mólsheri 2,6 paıyzǵa ulǵaıýyn baıqaýǵa bolady», dedi B. Sultanov.