1 jyl ishinde 28 arnaıy ınvestıtsııalyq kelisimshart jasaldy - Indýstrııa mınıstrligi

NUR-SULTAN. QazAqparat -QR Indýstrııa jáne ınfraqurylymdyq damý mınıstrliginiń Indýstrııalyq damý komıteti arnaıy ınvestıtsııalyq kelisimsharttar jasasý jónindegi jumysty 2020 jylǵy shildede bastady. Osy ýaqyt ishinde 28 ÁJK jáne 28 qosymsha kelisim jasaldy, dep habarlaıdy QazAqparat vedomostvonyń Telegram- kanalyna silteme jasap.

Kelisimsharttar mashına jasaý, qara metallýrgııa qurylysy, hımııa, jeńil jáne farmatsevtıkalyq ónerkásip, sondaı-aq energetıka salasynda jasaldy.
Investıtsııalyq kelisimsharttarǵa arnaıy ekonomıkalyq aımaqtyń 15 qatysýshysymen, 12 erkin qoıma ıelerimen jáne motorly kólik quraldaryn qurastyratyn 1 ónerkásiptik kásiporynmen qol qoıyldy.
Bul kásipkerlerge ınvestıtsııalyq artyqshylyqtar beredi: ımportty kedendik bajdardan bosatý jáne komponentter men qosalqy bólshekterdi ımporttaý kezinde QQS tóleý.
Budan basqa, kelisimsharttarǵa qol qoıý óndirister ornalasqan óńirlerdiń ekonomıkasyn damytýǵa oń áser etedi: salyq túsimderi ulǵaıýda, jańa jumys oryndary qurylyp jatyr.
Óz kezeginde, kelisimshartqa sáıkes kásiporyndar jańa óndiristerdi jańǵyrtýǵa jáne ıgerýge, sondaı-aq kólemin ulǵaıtýǵa tıis.