1 jylda óndiristegi jazataıym oqıǵadan 251 adamnyń ómiri qıyldy

<p>ASTANA. KAZINFORM &ndash; Eńbek qaýipsizdigi erejelerin buzǵandar endi jazasyz qalmaıdy. Bul jaıynda Májilis depýtaty Ashat Aımaǵambetov <a href="https://www.facebook.com/askhat.aimagambetov" target="_blank" rel="noopener">Facebook</a> paraqshasynda jazdy.&nbsp;</p>

- 1 232 óndiristegi jazataıym oqıǵa bir jylda tirkeldi. Onyń 251-i adam ólimimen aıaqtaldy. Sol oqıǵalardyń 24 jaǵdaıy eńbek qaýipsizdigi erejeleriniń buzylýynan bolǵan. Bul jaı ǵana sandar emes. Bul – bireýdiń ómiri. Bireýdiń otbasy ákesiz, anasyz, ulsyz qaldy. Munyń bári kezdeısoq emes, bul – qaýipsizdik erejelerine kóz jumýdyń saldary. Eń qorqynyshtysy ne? Eńbek qaýipsizdigi erejelerin óreskel buzǵandardyń jartysynan kóbi tek eskertý alady. Al eger bul buzýshylyq adamnyń ómirin qıyp ketse she? Sol adamnyń otbasy aldynda kim jaýap beredi? Muny ózgertý kerek edi. Biz ony ózgerttik, - dep jazady Májilis depýtaty.

Onyń atap ótýinshe, Ákimshilik quqyq buzýshylyq týraly kodekske túzetýler engizildi. Qyzý talqylaýdan keıin olar qabyldandy. Endi eskertý bolmaıdy. Tek naqty jáne ádil jazalar bolady. Naqty aıtqanda:

- Eńbek qaýipsizdigi erejelerin buzǵany úshin eskertýler múldem alynyp tastaldy.

- Aıyppuldar kólemi artty:

- alǵashqy quqyq buzýshylyq úshin – 20-dan 120 AEK-ke deıin (1 AEK 3 692 teńge);

- qaıtalanǵan quqyq buzýshylyqtar úshin – 40-tan 240 AEK-ke deıin.

- Bul «aıyppulmen aqsha jınaý» emes. Bul – ádildik jáne adam ómirin qorǵaý. Adal jumys berýshilerge alańdaýdyń qajeti joq. Bul normalar tek qaýipsizdikti elemeıtinderge qatysty. Eńbek qaýipsizdigi erejelerin buzý endi jazasyz qalmaıdy. Qyzmetkerler qaýipsiz eńbek jaǵdaıyna laıyq. Al muny túsinbeıtinder zań aldynda jaýap beredi, - dedi Ashat Aımaǵambetov.

Osyǵan deıin elimizde jyl basynan beri 59 jumysshy mert bolǵany trýaly jazdyq.