1-jartyjyldyqta 440 myńnan astam azamat jumysqa ornalasty
«Memleket basshysynyń tapsyrmasyn oryndaý úshin birinshi kezekte Otbasynyń tsıfrlyq kartasy aıasynda jumysqa tartylýy tıis maqsatty top anyqtaldy. Bul azamattardy jumyspen qamtý máselelerin tıisti deńgeıde júrgizý maqsatynda oblys ákimderimen 20 óńirlik jumyspen qamtý kartasy bekitilip, olardyń aıasynda 947 myń azamatty jumysqa tartý qarastyryldy. Eseptik kezeńde 441 myńǵa jýyq adam jumysqa ornalastyryldy, bul jyldyq kórsetkishtiń 47 paıyzyn quraıdy. Onyń ishinde jastardyń úlesi 50 paıyzǵa jýyqtaıdy. Jumysqa ornalasqan osy azamattardyń 79 paıyzy qazirgi tańda 10 paıyzdyq zeınetaqy aýdarymdaryn turaqty aýdaryp, ózderiniń turaqty túrde jumys istep jatqandaryn rastap otyr», - dedi ol.
Onyń dereginshe, 11 ulttyq jobany iske asyrý aıasynda 20 myńǵa jýyq jańa jumys orny quryldy. Eń kóp jumys oryndary «Kásipkerlikti damytý», «Qýatty óńirler – el damýynyń draıveri», «Agroónerkásip keshenin damytý», «Jasyl Qazaqstan» jobalary aıasynda ashylýda.
«Búgingi tańda bul jumys oryndaryna 19 747 azamat jumysqa ornalastyryldy. Onyń 44 paıyzy - jastar, al 38 paıyzy - áıelder. Bul baǵytta Aqmola, Túrkistan, Jambyl oblystary men Almaty qalasynyń jumysy jaqsy júrgizilýde. Degenmen, Ulytaý, Aqtóbe, Batys Qazaqstan jáne Jetisý oblystary men Shymkent qalasynda jumysqa tartylǵan azamattardyń zeınetaqy tólemderin aýdarý kórsetkishteri 40 paıyzǵa jetpeı otyr», - dedi Tamara Dúısenova.