1 teńge qaryz bolsa, jaryqtan ajyratyla ma - AlmatyEnergoSbyt túsinik berdi

ALMATY. QazAqparat - «AlmatyEnergoSbyt» JShS tutynýshylardyń elektr energııasyna bir teńge qaryzy bolsa, jaryqtan ajyratylady degen aqparatqa túsinik berdi, dep habarlaıdy QazAqparat tilshisi.

2020 jyldyń 24 aqpanynda QR Energetıka mınıstriniń keıbir buıryqtaryna ózgerister men tolyqtyrýlar engizý týraly» QR Energetıka mınıstriniń №43 buıryǵy kúshine endi, onda elektr energııasyn paıdalaný erejelerine qatysty túzetýler bekitildi.

Kompanııa baspasóz qyzmetiniń habarlaýynsha, elektr energııasy úshin tólemdi ýaqtyly tólep otyrǵan tutynýshylar jaryqtan ajyratylmaıdy. Sonymen qatar, qaryzy barlarǵa mindetti túrde bereshegi týraly habarlama jiberiledi. Tek sodan keıin ǵana jaryq berý toqtatylady.

«AlmatyEnergoSbyt» JShS qalyptasqan qaryzy bar tutynýshylarǵa eskertýdi telefon qońyraýlary men habarlamalar arqyly jáne sotqa deıingi shaǵymdar boıynsha jetkizedi. Belgilengen ýaqytta tólem jasalmasa, tutynýshy elektr qýatynan ajyratylady. Eger odan keıin de tólemese onda talap kúsheıtiledi. ıAǵnı, sot sheshimimen elden shyǵýǵa tyıym salynyp, múlki tárkilenedi, banktik shottary buǵattalady. Sonymen qatar, notarıaldyq jáne sot shyǵyndaryn tutynýshy tóleıtin bolady», dep habarlaıdy kompanııanyń baspasóz qyzmeti.

Sondaı-aq, sóndirilgen jaǵdaıda qaıta qosylý quny páterde turatyn jeke tulǵalar úshin 6 730 teńge, jeke úıde turatyn tulǵalarǵa - 10 115 teńge, zańdy tulǵalarǵa – 11 606 teńge.

Buǵan deıin Qazaqstanda bir teńge qaryzy úshin elektr energııasynan ajyratylatyny týraly habarlanǵan bolatyn.