1 tamyzdan bastap «Tulpar-Talgo» poıyzdaryna jańa jeńildikter engiziledi
- №35 Almaty-Shymkent baǵytyna; - №49 Almaty-Aqtóbe baǵytyna; - №50 Aqtóbe-Almaty baǵytyna; - №78 Atyraý-Almaty baǵytyna; - №90 Qyzylorda-Astana baǵytyna.
Budan bólek, barlyq «Tulpar-Talgo» jolaýshylar poıyzdarynyń (№25/26 Almaty-Shymkent poıyzynan basqa) joǵarǵy oryndaryna 5% kóleminde jeńildikter qarastyrylǵan.
Bul jeńildikter buǵan deıin belgilengen jeńildikterge, ıaǵnı tarıfti ıkemdi basqarý men dıskonttyq kartalarǵa qosymsha engizilip otyrǵanyn aıta ketý kerek.
Sondaı-aq, 2015 jyldyń 1 tamyzynan bastap «Jolaýshylar tasymaly» AQ «Qurmet» (60 jas pen odan eresek adamdar úshin) jáne «Jastar» (16-25 jas aralyǵyndaǵy jastar úshin) dıskonttyq kartalarǵa qazirgi 10 paıyzdyq jeńildikti 30 paıyzǵa deıin kóbeıtkenin habarlaıdy.
«Saıahatshy» dıskontty kartasy - júrdek poıyzdarda sońǵy 12 aıda tómendegideı baǵaǵa saparlaǵan turaqty jolaýshylar úshin:
100 000 teńgeden 150 000 teńgege deıin, jeńildik kólemi - 10 paıyz; 150 001 teńgeden 200 000 teńgege deıin, jeńildik quny - 15 paıyz; 200 001 teńgeden joǵary, jeńildik kólemi - 20 paıyz jeńildikter qaratyrylǵan.
Qosymsha aqparatty temir jol vokzaldarynyń anyqtamalyqtarynan nemese 105 biregeı anyqtama qyzmetinen alýǵa bolady, dep habarlaıdy «Jolaýshylar tasymaly» AQ baspasóz qyzmeti.