1 shildeden turmystyq zorlyq-zombylyq úshin jaza kúsheıtildi

ASTANA. QazAqparat – QR ІІM Ákimshilik polıtsııa komıtetiniń erekshe tapsyrmalar jónindegi aǵa ınspektory Aqmaral Serikbaeva zorlyq-zombylyq zańnamasyndaǵy ózgeristerdi aıtyp berdi, dep habarlaıdy QazAqparat.

2022 jyldyń qyrkúıeginde Prezıdent Qazaqstan halqyna Joldaýynda turmystyq zorlyq-zombylyq jasaý faktileri úshin jaýapkershilikti qatańdatý jóninde tapsyrma bergen edi.

1 shildeden bastap Qazaqstan Respýblıkasynyń Ákimshilik quqyq buzýshylyq týraly kodeksine túzetýler zańdy kúshine endi.

«Tájirıbe kórsetip otyrǵandaı, jábirlenýshiler ómirine nemese densaýlyǵyna qaýip tóngende polıtsııaǵa júginedi, al polıtsııa qyzmetkerleri kelgende agressorlarǵa aryz jazýdan bas tartady. Kóbinese polıtsııa ketken soń otbasyndaǵy janjal ári qaraı ýshyǵyp, keıde bul aýyr zardaptarǵa ákelip soǵady. Osyǵan baılanysty, endi turmystyq janjal týraly habarlama túskende polıtseıler sol jerde bolǵan oqıǵaǵa quqyqtyq baǵa beredi. Hattama jasaý úshin kýágerlerdiń, kórshilerdiń aıǵaqtary, beınebaqylaý kameralary men polıtseılerdiń ózderiniń beınetirkegish jazbalary jetkilikti bolady. Sońǵy sheshimdi sot qabyldaıdy», - dedi A. Serikbaeva mınıstrlikte ótken onlaın brıfıngide.

Mysaly, áıel otbasylyq janjal boıynsha qońyraý shalsa, polıtsııa kelgende shıelenis sheshilip, er adam óziniń zańsyz áreketin toqtata qoıady. Óz kezeginde, áıel aryz jazýdan bas tartady, biraq ózine qatysty quqyqbuzýshylyq jasalǵanyn túsindirip aıtady. Onyń aıǵaqtaryna súıene otyryp, quqyq buzýshyǵa qatysty ákimshilik quqyqbuzýshylyq isteri boıynsha is júrgizýdi qamtamasyz etý sharalary qabyldanatyn bolady (ÁQBtK 785-baby). Olar: barlyq aıǵaqtardy qarap tekserý, bólimshege jetkizý, ákimshilik ustaý, medıtsınalyq kýálandyrý jáne taǵy basqalar.

«Sotta quqyq buzýshynyń jábirlenýshimen tatýlasý múmkindigi bar, biraq sońǵy ózgertýler boıynsha tek bir ret qana tatýlasa alady. ıAǵnı otbasylyq janjal jasaýshy birinshi ret sotta jábirlenýshimen tatýlassa, bul áreketteri kelesi qaıtalanǵanda olardy tatýlastyrýǵa sottyń zań boıynsha quqyǵy joq. Otbasylyq janjal úshin agressorǵa eskertý jasalady nemese 5 táýlikke qamaýǵa alynady.

Qaıta jasalǵan jaǵdaıda – 10 táýlik qamaýǵa alý, uryp-soǵý faktisi úshin – 10 táýlik qamaýǵa alý, qaıtalansa – 20 táýlikke qamaý kózdelgen», - dedi spıker.

Densaýlyqqa jeńil zııan keltirgeni úshin – 15 táýlik, al qaıtalansa 25 táýlikke qamaý jazasy bar.

«Sonymen qatar qazirgi ýaqytta turmystyq zorlyq-zombylyq jasaý faktileri úshin qoǵamdyq jumystardy taǵaıyndaý máselesi pysyqtalýda. Bul zardap shekkenderge psıhologııalyq qysymdy azaıtýǵa múmkindik beredi», - dedi A. Serikbaeva.