1 shildeden bastap memlekettik satyp alýǵa reıtıngilik-baldyq júıe engiziledi

NUR-SULTAN. QazAqparat – 2022 jyldyń 1 shildesinen bastap qurylys salasyndaǵy memlekettik satyp alýǵa reıtıngilik-baldyq júıe engiziledi. Bul jaıynda QR Qarjy vıtse-mınıstri Dáýren Keńbeıil aıtty, dep habarlaıdy QazAqparat tilshisi.

«Birinshi shildeden bastap ilki joba retinde reıtıngilik-baldyq júıeni synap kórmekpiz. Zańǵa ol kirgizilgen. Biraq, is júzinde 1 shildeden bastap júzege asyrmaqpyz. Ol qurylys-montaj jumystaryn satyp alý kezinde avtomatty rejımde jumys isteıdi. Demek, júıe qurylys jumystaryn júrgizetin jetkizýshini, ıaǵnı merdigerdi avtomatty rejımde iriktep alady», - dedi Dáýren Keńbeıil Qarjy mınıstrligi men Dúnıejúzilik bank birlesip ótkizgen semınar aıasynda BAQ ókilderine bergen suhbatynda.

Vıtse-mınıstrdiń túsindirýinshe, júıe qyzmet kórsetýshini onyń málimetterin salyq organdarynan suraý, jumys tájirıbesin zerdeleý arqyly avtomatty rejımde tańdap alady.

«Júıe munyń barlyǵyn avtomatty túrde jınaqtaıdy jáne ball berý arqyly jumys jetkizýshini irikteıdi», - dedi ol.