1 shildeden bastap birqatar taýardy «Vırtýaldy qoıma» arqyly ótkizýge bolady

NUR-SULTAN. QazAqparat - 1 shildeden bastap turmystyq tehnıkany, qant shıkizatyn ótkizý «Vırtýaldy qoıma» modýli arqyly júzege asyrylady, dep habarlaıdy QazAqparat Memlekettik kirister komıtetiniń baspasóz qyzmetine silteme jasap.

«Elektrondy shot-faktýralar» aqparattyq júıesiniń «Vırtýaldy qoıma» modýli arqyly elektrondy shot-faktýra jazyp beriletin taýarlar tizbesin bekitý týraly» Qarjy mınıstriniń 2019 jylǵy 23 sáýirdegi buıryǵyna sáıkes, «Vırtýaldy qoıma» modýli mynadaı taýar sanattaryna qoldanylady:

- 2019 jylǵy 1 qańtardan bastap - avtokólik quraldaryna, sondaı-aq QQS boıynsha baqylaý shottary qoldanylǵan jaǵdaıdaǵy taýarlarǵa;

- 2019 jylǵy 1 shildeden bastap - qant-qant shıkizatyna, tońazytqyshtarǵa, teledıdarlarǵa;

- 2019 jylǵy 1 qazannan bastap - shańsorǵyshtarǵa, elektrli qyzdyrǵysh kedergilerine, fotokameralarǵa.

Aıta keteıik, «Vırtýaldyq qoıma» modýli arqyly elektrondy shot-faktýra jazyp beriletin taýarlar tizbesi komıtettiń portalynda jarııalanǵan.

Bul rette «Vırtýaldy qoıma» modýlinde elektrondy shot-faktýra jazyp berý mynadaı eki tásilmen júzege asyrylady:

- «Elektrondy shot-faktýralar» aqparattyq júıesiniń web-qosymshasy;

- «Vırtýaldy qoıma» modýlin salyq tóleýshilerdiń esepke alý júıesimen ıntegratsııalaýdyń API-mehanızmi arqyly.