1 shildeden bastap barlyq óńirde kommýnaldyq qyzmetterdiń tarıfi ózgertiledi
«Injenerlik-kommýnaldyq jelilerdi jańartý jáne apatty jaǵdaılardyń sanyn azaıtý úshin «Tarıfti ınvestıtsııaǵa aıyrbastaý» baǵdarlamasy iske asyrylyp jatyr. Jyl sońyna deıin turǵyn úı-kommýnaldyq sharýashylyǵy salasyna 234 mlrd teńge ınvestıtsııa tartý josparda. Bul qarajat 12,7 myń jabdyqty jáne 5 800 km ınfraqurylym jelilerin jóndeýge baǵyttalady. Osy saladaǵy jumysshylardyń jalaqysy 50-den 100%-ke deıin ósiriledi. 1 shildeden bastap barlyq óńirde kommýnaldyq qyzmetterdiń tarıfteri kezeń-kezeńimen ózgertiledi», - dedi Úkimet basshysy.
Álıhan Smaıylovtyń sózinshe, aldaǵy 7 jylda kommýnaldyq-ınjenerlik ınfraqurylymdy jańǵyrtýǵa 3 trln tengeden astam ınvestıtsııa salynady.
«Turǵyn úı salasynda jaǵdaıdy jaqsartý úshin 2029 jylǵa qaraı barlyq kózder esebinen 111 mln sharshy metr turǵyn úı salynady. Onyń ishinde bıyl – 15,3 mln sharshy metr», - dedi Premer-Mınıstr.