1 sáýirge deıin alǵashqy 1357 jalǵa beriletin páter úlestiriledi - vıtse-premer

ASTANA. QazAqparat - 1 sáýirge deıin alǵashqy 1357 jalǵa beriletin páter úlestiriledi. Bul týraly búgin "Báıterek" holdınginiń qoǵamdyq keńesiniń otyrysynda QR Premer-Mınıstriniń birinshi orynbasary Baqytjan Saǵyntaev málim etti.

Jyl sońyna deıin jalǵa berý maqsatynda páterlerdi satyp alý jáne qurylysyn júrgizý boıynsha aı saıynǵy josparlar jasaldy. Naýryzda alǵashqy 1357 jalǵa beriletin páterdi Astana, Almaty, Kókshetaý, Qostanaı jáne Semeı qalalarynda paıdalanýǵa beremiz. "Báıterek" holdıngi atalmysh páterler boıynsha kelisimsharttar jasady jáne jergilikti organdarǵa páterlerdiń maǵlumattaryn jiberdi. Ákimdikter soǵan oraı, úmitkerlerdiń qorytyndy tizimin jasap bitýi tıis. 20 naýryz jáne 1 sáýir aralyǵynda biz 1357 páterdi úlestirip bitýimiz kerek", - dedi ol.

Onyń sózine qaraǵanda, bıyl arendalyq maqsatqa 78,7 mlrd. teńgege 4,7 myń sharshy metr bolatyn barlyǵy 9740 páter salynady jáne satyp alynady.

"Sondyqtan páterlerdi úlestirýdegi ashyqtyqty qamtamasyz etýde bizdiń qoǵamdyq keńestiń róli orasan zor", - dep atap ótti ol.