1 sáýirden EAEO elderi taýarǵa ilespe júkqujat rásimdeýge mindetteledi

ASTANA. QazAqparat – Memlekettik kirister komıteti Ákimshilendirý departamentiniń dırektory Qadyr Іsmaǵulov 1 sáýirden bastap EAEO elderiniń aýmaǵynda taýarlarǵa ilespe júkqujat rásimdeý ne úshin engizilip jatqanyn týraly túsinik berdi, dep habarlaıdy QazAqparat tilshisi.

«2023 jyldyń 1 sáýirinen Eýrazııalyq ekonomıkalyq odaq elderimen saýda jasasý kezinde taýarlarǵa ilespe júkqujat rásimdeý mindetteledi. Bul kóleńkeli taýar aınalymyn joıyp, qosymsha qun salyǵyn joǵaltpaýǵa múmkindik beredi», - deıdi departament dırektory.

Onyń aıtýynsha, atalmysh shara 2020 jyldan osy kúnge deıin erikti negizde ilki joba retinde qoldanylyp kelgen.

«Taýarǵa ilespe júkqujat rásimdeý shekarany kesip ótken kezde elektrondy túrde (elektrondy tsıflyq qoltańba arqyly) iske asatynyn atap ótý qajet. Sonyń arqasynda qujatty jasandy tulǵalardyń atyna rásimdeýdiń, jalǵan júk qabyldaýshylar men jalǵan jóneltýshilerdiń, jalǵan bonkrottyqtyń joly kesiledi», - dep túsindirdi Qadyr Іsmaǵulov.