1 sáýirden 1 shildege deıin MÁMS júıesinde saqtandyrylmaǵan azamattar medıtsınalyq kómek alady
21:13, 31 Naýryz 2020
NUR-SULTAN. QazAqparat - 1 sáýirden 1 shildege deıingi aralyqta medıtsınalyq kómekti MÁMS júıesinde saqtandyrylmaǵan azamattar da ala alady.
Bul týraly QR Prezıdenti Qasym-Jomart Toqaev telearnalar arqyly Qazaqstan halqyna joldaǵan úndeýinde málimdedi.
«Mindetti áleýmettik medıtsınalyq saqtandyrý júıesi boıynsha saqtandyrylmaǵan azamattardyń medıtsınalyq kómek alý quqyǵyn 1 sáýirden 1 shildege deıin uzartýdy tapsyramyn. Soǵan baılanysty medıtsınalyq kómek azamattarǵa burynǵydaı qol jetimdi bolyp qala beredi», - dedi Memleket basshysy.