1 naýryzdan bastap 1-5 synyp oqýshylary aralas formatta oqýǵa kóshirildi
Bul týraly Ortalyq kommýnıkatsııalar qyzmetinde ótken Orta jáne joǵary bilim berýge qatysty mańyzdy suraqtar týraly brıfıngide aıtyldy, dep habarlaıdy QazAqparat tilshisi.
«Búgingi kúni oqý protsesin uıymdastyrýǵa baılanysty ózgerister engizildi. Elimizdegi Bas sanıtarlyq dárigerdiń qaýlysyna sáıkes, 1 naýryzdan bastap 1-5 synyptar arasyndaǵy osyǵan deıin kezekshilik synypta oqytylyp kele jatqan oqýshylar aralas formatta oqýǵa kóshirildi. Bul – jalpy bilim beretin mektepterde 1-5 synyptar jáne halyqaralyq mektepterde 1-7 synyptar», - deıdi Bilim jáne ǵylym vıtse-mınıstri Sholpan Karınova.
Onyń aıtýynsha, qazirgi ýaqytta oqýshylardyń 47%-y shtattyq rejımde, 53%-y qashyqtan oqý formatynda bilim alyp jatyr.
«Óńirdegi sanıtarlyq-epıdemıologııalyq jaǵdaılarǵa baılanysty shattyq nemese qashyqtan oqytatyn pánderdi ár bilim mekemesi ózdiginshe derbes anyqtaýǵa quqyly. Sonymen qatar, Bilim jáne ǵylym mınıstrligi negizgi pánderdi oqýshylardyń mektepke kelýimen shtattyq rejımde oqytyp, kórkem eńbek, mýzyka pánderin qashyqtyq formatta jalǵastyrýdy usynyp otyr. Osy boıynsha tıisti ádistemelik ustanymdar jasalyp, bilim mekemelerine jetkizildi. Ár bilim mekemesi osy oqý jylyna bekitilgen oqytý josparyna baılanysty óz josparlarymen oqytýdy bastady», - deıdi ol.