1 naýryzda - «Kemsitýshilikke jol joq»
Ondaǵy maqsat medıtsınalyq mekemelerde kemsitýshilikti túp tamyrymen joıý qajettiligine kóńil aýdartý. Bul bastama 2030 jylǵa deıin JITS-ti toqtatý maqsatyna qol jetkizý jolyndaǵy negizgi kezeńderdiń biri bolyp tabylmaq.
«Biz ıÝNEIDS-tiń bastamasyn qoldaı otyryp, óz úlesimizdi qosamyz. Atalmysh kúndi belgileý arqyly - qoǵam, sondaı-aq árbir adam óziniń adamı qundylyǵyn saqtaı otyryp, tolyqqandy jáne prodýktıvti ómir súrýge teń quqyǵy baryn kórsetýge qol jetkizemiz», - deıdi Astana qalasy JITS-ke qarsy kúres ortalyǵynyń bólim meńgerýshisi Іnjý Aımaǵambetova.
Mamannyń aıtýynsha, eshbir adamdy onyń jynysy, genderlik jáne násildik ereksheligi, jasy, múgedektigi, etnıkalyq shyǵý tegi, sondaı-aq jynystyq kózqarasy, dinı nanymy, densaýlyq jaǵdaıy jáne basqa da belgiler boıynsha kemsitýge bolmaıdy.
«Ókinishke oraı, qazirgi qoǵamda osyndaı kemsitý joldary jıi kezdesedi. Onyń saldary bizdiń mamandarymyzǵa aldyn alý jumystaryn júrgizýge kedergi keltirip jatady», - deıdi dáriger.