1 myńnan astam elorda turǵynyna quqyqtyq kómek kórsetildi

NUR-SULTAN. QazAqparat – Elorda turǵyndarynyń ótinishteri men shaǵymdaryna shuǵyl áreketpen jaýap beretin «WhatsApp» jáne «Telegram» jelisinde 491 jumys chaty jumys istep tur. Bul týraly Nur-Sultan qalasy Polıtsııa departamenti «Baıqońyr» aýdany Polıtsııa basqarmasynyń Jergilikti polıtsııa qyzmeti bóliminiń basshysy Qaırat Tólepov málim etti, dep habarlaıdy QazAqparat tilshisi.

«Halyq únine qulaq asatyn memleket» tujyrymdamasy aıasynda ýchaskelik polıtsııa ınspektorlary PIK (páter ıeleri kooperatıvi) ókilderimen birlesip 491 turǵyn úıdiń 50 myń 694 turǵynyn qamtyǵan «WhatsApp», «Telegram» jelisinde jumys chaty ashyldy. Ol jerde ýchaskelik polıtsııa ınspektorlary, PIK ókilderi jáne turǵyndar bar. Resmı emes jumys chaty arqyly turǵyndar kez kelgen quqyqbuzýshylyqtar týraly dereý habarlap otyrady. Bul óz kezeginde qylmystyń aldyn alý men ony bolǵan jaıtqa jedel áreket etýge septigin tıgizýde», - dedi Qaırat Tólepov baspasóz máslıhatynda.

Sondaı-aq, polıtsııa qyzmeti bóliminiń basshysy tártip saqshylary ákimdik jáne PIK ókilderimen birlesip halyqqa aldynda esep berip turatyndyqtaryn aıtty.

«Kún saıynǵy monıtorıngtiń nátıjesinde jyl basynan beri ýchaskelik ınspektorlar 1 myńnan astam ákimshilik quqyqbuzýshylyqtyń aldyn aldy. Jáne 1050 adamǵa quqyqtyq kómek kórsetildi. Sol sııaqty esirtkimen aınalysqandar ustalyp, zań aıasynda jaýapqa tartyldy. Ýchaskelik ınspektorlar ár toqsan saıyn halyqpen júzdesip, esep berý kezdesýlerin ótkizedi. Máselen, bıyl aýdandyq ákimdik, polıtsııa jáne PIK ókilderiniń qatysýymen halyq aldynda 202 esep berý kezdesýi uıymdastyryldy», - deıdi ol.

Buǵan deıin Qaırat Tólepov elordada jumysyna beı-jaı qaraǵan 29 PIK-ke (páter ıeleri kooperatıvi) aıyppul salynǵanyn málim etti.