1 myń ınjener sheteldik zaýyttarǵa taǵlymdamaǵa jiberiledi
Vıtse-mınıstrdiń atap ótýinshe, Halyq tabysyn arttyrý jónindegi 2025 jylǵa deıingi baǵdarlama aıasynda mınıstrlik 23 is-sharany iske asyrýǵa qatysady. Onyń ishinde 11-i boıynsha - jaýapty oryndaýshy. Іs-sharalar negizinen jańa jumys oryndaryn ashýǵa, halyqty jumyspen qamtýǵa, turǵyn úı kesheni salasynda kórsetiletin servıstik qyzmetter baǵalaryn ustap turýǵa, negizgi taýarlar, qurylys materıaldary, jeńil, hımııa jáne farmatsevtıka ónerkásibi taýarlarynyń ımportyn almastyrýǵa baǵyttalǵan.
«Baǵdarlama aıasynda ımportty almastyratyn jáne eksportqa baǵdarlanǵan jobalar iske asyrylady. 80 jobaǵa jeńil sharttarmen nesıe berý arqyly 2025 jylǵa deıin 23 myń jańa jumys ornyn ashý josparlanǵan. Nátıjesinde eksport kólemi 2,3 trln teńgeni qurap, ımport 1,3 trln teńgege azaıýy tıis. Osy jobalardy shıkizatpen, ınfraqurylymmen jáne ınjenerlik-tehnıkalyq kadrlarmen qamtamasyz etý sııaqty júıeli sıpattaǵy máseleler sheshiletin bolady. Qazir Qazaqstan Damý banki jáne Ónerkásipti damytý qory arqyly osyndaı jobalardy qarjylandyrý máselesi pysyqtalýda. Sonymen qatar álemniń jetekshi elderindegi ónerkásip zaýyttaryna 1 myńdaı mamandy jiberip, qazaqstandyq ınjenerlik mamandardyń tájirıbe deńgeıin kóterý josparlanýda», - dedi Marat Qarabaev.