1 myń aýylda sý tazartatyn keshendi blok-modýlder ornatylady
«Aýyl eldi mekenderdi sýmen qamtý boıynsha 7,2 mln adamdy quraıtyn 6 302 aýyldyń ishinde 4759 aýyl nemese halyq sanynyń 93 paıyzy sýmen jabdyqtaý qyzmetterine qol jetkizip otyr. Onyń ishinde 4 128 aýyl ortalyqtandyrylǵan sýmen qamtylsa, 203 myń adamy bar 631 aýylda keshendi blok-modýl ornatylǵan. Qamtylmaǵan 1543 aýyldyń ishinde 511 aýyldy 2025 jylǵa deıin ortalyqtandyrylǵan sýmen jabdyqtaý júıesine qosý josparlanyp otyr. Al halyq sany 200-den az 1032 aýylda jergilikti bıýdjet qarajaty esebinen keshendi blok-modýlderdi ornatý josparlanyp otyr», - dedi Erkebulan Daýylbaev.
Budan buryn habarlanǵandaı, «Aýyl – El besigi» jobasy aıasynda damý áleýeti bar 3,5 myń aýyl tańdaldy.
2019 jyly elimizde «Aýyl – El besigi» baǵdarlamasy iske asyryla bastady .
Onyń basty maqsaty — aýyldaǵy adamdardyń ómirin jaqsartý. Jol qurylysy, sýmen qamtamasyz etý, densaýlyq saqtaý, bilim berý, mádenıet, sport nysandaryn qaıta jańartý jáne jańa nysandar salý, jumys oryndaryn qurý — osynyń barlyǵy atalǵan baǵdarlamany iske asyrýdy kózdeıdi.