1 mln tonna azyq-túlik qoryn saqtaıtyn qoıma qajet - Serik Jumanǵarın

ASTANA. QazAqparat – Qazaqstandyqtardy azyq-túlik ónimderimen qamtamasyz etýdiń tolyq múmkindigi bar, biraq ony saqtaý máselesi týyndap otyr. Bul týraly Premer-Mınıstrdiń orynbasary - Saýda jáne ıntegratsııa mınıstri Serik Jumanǵarın málim etti, dep habarlaıdy QazAqparat tilshisi.

«Búginde qoımalarda 2 mln tonna azyq-túlik qoryn saqtaý múmkindigimiz bar. Onyń ishinde 1 mln tonna azyq-túlik saqtalǵan qoımada klımattyq baqylaý ornatylǵan. Bizge taǵy 1 mln tonna azyq-túlik qoryn saqtaıtyn qoıma qajet. Bıyl 335 myń tonna ónimge arnalǵan qoıma salamyz. Qalǵan 600 myń tonnadan astam ónim saqtaıtyn qoıma boıynsha baǵdarlama ázirlenip jatyr. Jalpy, bul baǵytta keshendi jospar bar. Bizde turǵyndardy azyq-túlik, jemis-jıdek jáne kókónispen qamtýdyń tolyq múmkindigi bar, biraq ony saqtaı almaımyz», - dedi Serik Jumanǵarın Úkimet otyrysynan keıin BAQ ókilderiniń saýalyna jaýap bere turyp.

Saýda mınıstriniń aıtýynsha azyq-túlik qoryn saqtaý, ásirese sáýir, mamyr aılarynda mańyzǵa ıe.

Sondaı-aq, klımattyq baqylaý joq qoımalarda ónimdi saqtaýdyń qıynǵa túsetinin aıtty.

Eske salsaq, Serik Jumanǵarın sáýirdiń basynda keler jylǵa azyq-túlik rezervin satyp alý bastalǵany týraly málimdegen edi.