1 mln-nan astam frantsýz ereýilge shyqty
Frantsııa qarsylyq sharalary zeınet reformasyna, onyń ishinde zeınet jasyn 62-den 64-ke kóterýge baǵyttaldy. Frantsýz kásipodaqtary birneshe jyl buryn zeınet jasy 60-tan 62-ge kóterilgen kezdegideı birlesip qarsylyq kórsetip jatyr.
El prezıdenti Emmanýel Makron úkimeti zeınetkerlikke shyǵý jasyn 62-den 64-ke uzartyp, zeınetaqyny tolyq alý úshin tólenetin toqsandyq salyqtardy kóbeıtip jatyr.
«Bizge kúsh bergen kásipodaq birligi ekenin moıyndaýymyz kerek. (...) Aramyzda bul máselege qatysty kelispeýshilik joq. Mundaı oqıǵa keıingi 15-20 jylda alǵash ret bolyp tur», - dedi «Baǵynbaıtyn Frantsııa» partııasynyń kóshbasshysy Jan-Lıýk Melanshon.
Ereýil saldarynan Parıjdegi qoǵamdyq kólikter men barlyq óńirdegi poıyzdardyń qozǵalysyna keri áser etti. EDF memlekettik elektr energııasyn jetkizýshiniń ereýilge shyqqan jumysshylary elektr energııasyn óndirýdi azaıtqanyn málimdedi. Franceinfo jáne France Inter qoǵamdyq radıojelileri jańalyq taratýdyń ornyna efırdi mýzykamen toltyryp tastaǵan, al France 2 telearnasy qaıtalaý kórsetip jatyr.
Buǵan deıin turǵyndardyń Frantsııa kóshelerine ondaǵan myń adam zeınetaqy reformasyna qarsy ereýilge shyǵatyny habarlandy.
Foto Thomas SAMSON / AFP.