1 mln dollarǵa jýyq aqshany qoldan jasaǵan Almaty turǵyny 6 jylǵa sottaldy
Jalǵan aqsha jasaýǵa qarsy is-qımyl - QR Qarjylyq monıtorıng agenttiginiń basym baǵyttarynyń biri.
Osylaısha, agenttiktiń Almaty qalasy boıynsha aýmaqtyq departamenti ótken jyldyń qyrkúıek aıynda jalǵan 100 dollarlyq kýpıýralardy ótkizý deregin anyqtady.
Qyzmetkerler jedel baqylaýdaǵy satyp alýdy júrgizip, onyń barysynda qala turǵyny T.Qalıev 293 myń AQSh dollaryna jalǵan kýpıýralardy ótkizý áreketi kezinde ustaldy.
Tergeý málimetteri boıynsha, T.Qalıev 2020 jyldyń qyrkúıeginen qarashasyna deıin nomınaly 100 AQSh dollary bolatyn jalǵan shetel valıýtasyn birneshe ret ótkizgen.
Tintý nátıjesinde zańsyz aınalymnan 975 myńnan astam jalǵan dollar tárkilendi.
T.Qalıevke 6 jylǵa bas bostandyǵynan aıyrý jazasy taǵaıyndaldy.
Qurmetti azamattar! Eger siz jalǵan banknotty tapsańyz, dereý Agenttikke + 7 (7172) 708 478 senim telefony boıynsha nemese áleýmettik jelilerdegi resmı akkaýnttar arqyly habarlasyńyz.