1 mln adamǵa 0,021 ota: Qazaqstanda ólimnen keıingi aǵza donorlyǵy qalaı damyǵan

<p>ASTANA. KAZINFORM — Densaýlyq saqtaý mınıstrligi Kazinform saýalyna joldaǵan jaýabynda qaıtys bolǵan adamnyń aǵzasyn transplantatsııaǵa paıdalaný máselesi qalaı damyp jatqanyn sıpattady.</p>

«Azǵa almastyrý, onyń ishinde qaıtys bolǵannan keıingi donorlyq ómirlik mańyzy zor aǵzalary semip bara jatqan naýqastardy emdeýdiń jalǵyz tıimdi joly bolyp esepteledi. Búginde elimizde aǵza donorlyǵyn quqyq turǵysynan retteý máselesi ózekti bolyp tur», — delingen vedomstvo jaýabynda.

Sondaı-aq qaıtys bolǵan adam aǵzasyn transplantatsııaǵa paıdalanýdyń 2019 jylǵa deıingi statıstıkasy qosa berildi.

«2019 jylǵa deıin jyl saıyn ólimnen keıingi aǵza donorynan jasalǵan aǵza almastyrý otalarynyń sany 86-ǵa deıin jetip otyrdy. Álemde ólimnen keıingi aǵza donorlyǵynyń kórsetkishi boıynsha AQSh; Ispanııa, Horvatııa elderi kósh basynda tur. TMD elderiniń ishinde Belarýs tizimniń aldynda. Bul elderde ólimnen keıingi aǵza donorlyǵynyń kórsetkishi orta eseppen 1 mln adamǵa 31-den keledi. Dúnıejúzilik densaýlyq saqtaý uıymynyń jahandyq esebi boıynsha, Qazaqstanda bul kórsetkish — 0,021», — dep jazylǵan jaýapta.