1 maýsymnan beri elimizde 19 bala sýǵa ketti

NUR-SULTAN. QazAqparat – Bıyl elimizde shomylý maýsymy bastalǵaly 36 adam sýǵa ketti. Bul týraly QR Tótenshe jaǵdaılar mınıstrliginiń Azamattyq qorǵanys jáne áskerı bólimder komıtetiniń tóraǵasy Baýyrjan Syzdyqov aıtty, dep habarlaıdy QazAqparat tilshisi.

«Qarapaıym qaýipsizdik erejelerin saqtamaý saldarynan adamdardyń sýǵa ketý faktileri tirkelip otyr. Jyl basynan berim 81 adam sýǵa ketti, onyń ishinde 32-si bala», - dedi B. Syzdyqov Ortalyq kommýnıkatsııalar qyzmetinde.

Onyń aıtýynsha, shomylý maýsymy bastalǵannan beri Іshki ister mınıstrlimen, ákimdikter jáne eriktilermen birlesip 9 myń 300-den astam reıd júrgizilip, olarǵa 25 myńǵa jýyq adam jumyldyryldy.

«Shomylý maýsymy bastalǵannan beri 20 kún ishinde 36 adam sýǵa ketse, onyń ishinde 19-y bala. Bul qaıǵyly oqıǵalarǵa jabdyqtalmaǵan jerlerde shomylý jáne balalardy qaraýsyz qaldyrý sebep bolyp otyr», - dedi vedomstvo ókili.

Osy oraıda sý qoımalary, kólder men ózenderde qarapaıym qaýipsizdik erejelerin qatań saqtaý kerek ekenin atap ótti.

Budan buryn habarlanǵandaı, 1 maýsymnan elimizde sýda shomylý kezeńi bastaldy. Qazirgi kezde elimizde shomylýǵa ruqsat etilgen 497 oryn bekitilgen.