1 maýsymnan bastap VII AEF-tiń úzdik taqyrybyna baıqaý jarııalanady - S.Nógerbekov
20:27, 24 Mamyr 2013
ASTANA. 24 mamyr. QazAqparat - Aǵymdaǵy jyldyń 1 maýsymynan bastap VIІ Astana ekonomıkalyq forýmyna úzdik taqyrypqa baıqaý jarııalanady. Bul týraly elordada AEF pen Búkilálemdik daǵdarysqa qarsy konferentsııanyń qorytyndysyna arnalǵan baspasóz máslıhatynda QR Parlamenti Senatynyń depýtaty Serik Nógerbekov málim etti.
Onyń atap ótýinshe, aǵymdaǵy jyldyń 1 maýsymy men 1 shildesi aralyǵynda 2014 jyldyń úshinshi onkúndiginde ótetin kelesi Astana ekonomıkalyq forýmyna úzdik taqyryp tańdaýǵa arnalǵan baıqaý jarııalanady.
«Uıymdastyrý komıteti talqylaǵannan keıin bir taqyryp iriktep alynady. Sonymen qatar men 6-shy AEF aıasynda 73 iri sharanyń ótkendigin ári olardyń basym bóliginde kelesi Astana ekonomıkalyq forýmfyna taqyryp tańdalynǵandyǵyn atap ótkim keledi», - dedi S.Nógerbekov.