1 maýsymǵa deıin qurylys obektilerine revızııa júredi – Úkimet basshysy

<p>ASTANA. KAZINFORM &ndash; Úkimet basshysy Oljas Bektenov problemalyq obektilerdiń qurylysyn aıaqtaý jónindegi jol kartasyn jetildirýdi tapsyrdy.</p>

«Ónerkásip mınıstrligi óńir ákimdikterimen birlesip, 1-shi maýsymǵa deıin salynyp jatqan barlyq obekti qurylysynyń zańdylyǵy men qujattaryna revızııa júrgizýi qajet. Onyń qorytyndysy boıynsha bir aıdyń ishinde osyǵan deıin qabyldanǵan problemalyq obektilerdi aıaqtaý jónindegi jol kartasyn ózektendirý kerek», - dedi Oljas Bektenov Úkimet otyrysynda. 

Sondaı-aq, Premer-Mınıstr Almaty oblysy jáne Qyzylorda oblysynda ınjenerlik jelilerge bólingen qarajattyń tıimsiz ıgerilip jatqanyn málim etti. 

«Eń bastysy barlyq úıdi merziminde tapsyrý úshin qatań baqylaý qajet. Sondaı-aq, kóp óńirde ınjenerlik jelilerdi júrgizýge bólingen qarajat tıimdi ıgerilmeı otyrǵanyn atap ótkim keledi», - deıdi ol. 

Buǵan deıin Ónerkásip jáne qurylys mınıstri mamyrda jańa ıpotekalyq turǵyn úı baǵdarlamasy iske qosylatyny týraly aıtqan edi.