1 mamyr kúni elordalyqtar úshin saýda oıyn-saýyq ortalyqtarynda jeńildikter jasalmaq

ASTANA. QazAqparat - 1 mamyrda - Qazaqstan halqynyń birligi kúni merekesinde elordadaǵy saýda oıyn-saýyq ortalyqtarynda jáne sýpermarketterde merekelik jeńildikter jasalady dep kútilýde. Bul týraly qalalyq Kásipkerlik jáne ónerkásip basqarmasynan habarlady, dep jazady elorda ákimdiginiń resmı saıtynda.

Atap aıtqanda, «Azııa Park», «Kerýen», «Saryarqa», «Han shatyr» jáne «Mega Astana» saýda oıyn-saýyq ortalyqtarynda jeńildikter jasalyp, aktsııalar ótedi, radıo arqyly kúni boıy kelýshilerge quttyqtaý sózder aıtylady. Sondaı-aq «Saryarqa» saýda oıyn-saýyq ortalyǵynda «Qazaqstan tulǵalary» atty fotokórme uıymdastyrylady. Al «Metro kesh end Kerı» jáne «Tulpar» saýda ortalyqtarynda barlyq kelýshilerdi merekelik kıim kıgen qyzdar qarsy alsa, «Anvar» SO satyp alýshylaryn tómendetilgen baǵalarymen jáne túrli taǵamdardan dám tatý múmkindgimen qýantpaq. «Rahmet» SO qaıyrymdylyq kórme ótedi, al «Aprel», «Green» saýda jelisinde jáne «Green Mart» gıpermarketi JShS promo-aktsııalar men merekelik jeńildikterden basqa, kýpondar men dıskont kartalar taratylady. Bul sharadan «Evrazııa», «Álem» saýda ortalyqtary men Ortalyq bazar da tys qalmaıdy. «Etalon», «Qamqor Astana», «Kóktal», «Spýtnık» sýpermarketinde de radıo arqyly quttyqtaýlar aıtylady, promo-aktsııalar ótkizilip, merekelik jeńildikter jasalady. Al «Astyqjan» saýda ortalyǵy» JShS merekelik kóńil-kúıdi bir aıǵa sozbaq nıette. Munda mamyr aıynyń sońyna deıin ár zeınetkerge barlyq taýarlarǵa 5% kóleminde jeńildikter jasalady jáne ár senbisinde «Tıimdi senbi» aktsııasy ótedi.