1 mamyrdan bastap Astana áýejaıy túnde jumys istemeıdi

<p>ASTANA. KAZINFORM — Ushý-qoný jolaǵyna kúrdeli jóndeý júrgizýge baılanysty Astana halyqaralyq áýejaıynda reısterge ózgeris enedi. </p>

1 mamyrdan bastap jóndeý aıaqtalǵanǵa deıin jergilikti ýaqyt boıynsha saǵat 22:00-den 6:00-ge deıin elordalyq áýejaıdyń áýeaılaǵynda ushaqtardy qabyldaý jáne ushý toqtatylady.

Elorda áýejaıy kún saıyn 200-den astam reıske qyzmet kórsetedi.

Onyń ishinde túngi reıster sany 100-ge jýyq. Bul reıster táýliktiń kúndizgi ýaqytyna aýysady.

Osyǵan baılanysty Astanadan/Astanaǵa oryndalatyn reıs kestesine ózgerister enip jatyr. 

«Jolaýshylardan saparyn aldyn ala josparlaýyn jáne áýekompanııalardyń anyqtama qyzmeti, qosymshalar men áýejaı, sondaı-aq áýekompanııalardyń habarlamasy sııaqty búkil qoljetimdi aqparat kózderin paıdalanýdy suraımyz» dep eskertedi áýejaıdan.