1 qyrkúıekten bastap 2-synyp oqýshylary úshin «Eńbekke baýlý», «Beıneleý óneri» pánderi engizildi

ASTANA. QazAqparat – Jańa oqý jylynan bastap keıbir synyp oqýshylary úshin mektep baǵdarlamasy ózgerýi múmkin. Bul týraly «Ashyq» NQA portalynda jarııalanǵan Oqý-aǵartý mınıstriniń buıryǵynda jazylǵan, dep habarlaıdy QazAqparat tilshisi.

«2023 jyldyń 1 qyrkúıeginen bastap 2-synypta «Kórkem eńbek» pániniń ornyna «Eńbekke baýlý» jáne «Beıneleý óneri» pánderi engizildi. «Shet tili» páni alynyp tastaldy», - dep jazylǵan buıryq jobasynda.

Sonymen qatar, oqý júktemeniń az bolýyna baılanysty 10-11 synyptardyń oqýshylary úshin «Shet tili» páni boıynsha taǵy 1 saǵat qosylady.

«Tómendetilgen oqý júktemesimen 10-11 synyptardaǵy úlgilik oqý josparlarynyń varıatıvtik komponentindegi 1 saǵat «Shet tili» pánine berildi. Nátıjesinde 11 jyldyq oqytý sheńberinde oqý baǵdarlamalaryn jetildirý jónindegi júıeli jumys qazaqstandyq bilim berý júıesin bilim berýdiń halyqaralyq standarttyq synyptamasy deńgeıine shyǵarýǵa jáne mektep túlekterine eýropalyq biliktilik sheńberiniń qajetti deńgeılerin meńgerýge múmkindik beredi», - delingen qujatta.

Buıyryq jobasy 24 sáýirge deıin kópshilik talqylaýda bolady.