1 qyrkúıekte dárethanasy dalada ornalasqan mektep bolmaýy tıis - Aımaǵambetov
12:22, 28 Mamyr 2021
NUR-SULTAN. QazAqparat – Bir jyldyń ishinde elimizde 1 600 mektepte jyly dárethana salyndy. Bul týraly halyqqa esep berý kezdesýinde QR Bilim jáne ǵylym mınıstri Ashat Aımaǵambetov aıtty, dep habarlaıdy QazAqparat tilshisi.
«Árıne, jyly dárethanalarǵa qatysty kóp másele boldy, áli de qalyp otyr. Prezıdent tapsyrmasy bar ekendigin bilesizder. Osydan 1 jyl buryn ǵan elimizde dalada ornalasqan 1 700 dárethana bolǵan edi. Bir jyldyń ishinde 1 600 jyly dárethana salyndy. Jergilikti atqarýshy organdar úlken jumys júrgizdi», - dedi Ashat Aımaǵambetov.
Degenmen, ol áli de bolsa 100 mekteptiń dárethanasyna qatysty problema qalyp otyrǵandyǵyn aıtty.
«Qazir qurylys jumystary júrgizilip jatyr. Biz taıaý ýaqytta, ary ketkende 1 qyrkúıekte bul tapsyrman tolyq sheshý tapsyrmasyn sheshtik. Taıaýda ǵana bul máseleni QR Úkimet janynda jumys isteıtin Balalar quqyqtaryn qorǵaý jónindegi komıssııada qaradyq», - dedi mınıstr.