1 qyrkúıekte áskerge kúzgi shaqyrý naýqany bastaldy

ASTANA. QazAqparat – Prezıdent Jarlyǵyna sáıkes 1 qyrkúıekten bastap azamattardy merzimdi áskerı qyzmetke shaqyrýdyń kúzgi naýqany bastalady. QazAqparat bul týraly Qorǵanys mınıstrligine silteme jasap habarlaıdy.

Shaqyrý naýqany 31 jeltoqsanǵa deıin jalǵasady. Jergilikti atqarýshy organdardyń shaqyrý pýnkterinde 195 qalalyq jáne aýdandyq shaqyrý komıssııalary jumys isteıdi.

Kúzde barlyǵy 19 myńnan astam adam áskerge alynady dep kútiledi. Olardyń arasynda Qarýly kúshter qataryna – 8 myńnan astam, Ulttyq ulanǵa – 6 myń, UQK Shekara qyzmetine – 3 myń, Memlekettik kúzet qyzmetine jáne Tótenshe jaǵdaılar mınıstrligine 300 sarbaz.

Aıtylyp ótkendeı, Qorǵanys mınıstrligi 70-ten astam joǵary jáne joǵary oqý ornynan keıingi bilim berý mekemelerimen áskerı boryshyn ótkergen jastar úshin qosymsha jeńildikter berý týraly kelisimge qol qoıǵan. Bul rette 180-nen asa qazaqstandyq joǵary oqý oryndarynda tegin bilim alatyn boldy, taǵy 400-den astamy aqyly bólimge túsken.

Sondaı-aq mınıstrlikten eskertip ótkendeı, qazirgi ýaqytta áskerı mindettiler men áskerge shaqyrylýshylardy áskerı esepke qoıý jáne shyǵarý turǵylyqty jeri ózgergen kezde avtomatty túrde júzege asyrylady. Sol sııaqty shaqyrý ýchaskelerine áskerge shaqyrylýshylardy tirkeý týraly kýálikter berý jáne boryshyn ótemegen azamattarǵa áskerı bıletter berý protsesi taıaý ýaqytta joıylatyn bolady.