1 qazannan bastap elorda áýejaıynda avtoturaq baǵasy qymbattaıdy

<p>Erteńnen bastap Astana halyqaralyq áýejaıyndaǵy avtoturaq baǵasyna ózgeris enedi, dep habarlaıdy <a href="https://kaz.inform.kz/" target="_blank" rel="noopener">QazAqparat </a>atalǵan mekemege silteme jasap.&nbsp;</p>

«Áýejaı kesheni aldyndaǵy turaqtyń P4-P6 aımaǵyna kólik qaldyrý quny ekinshi jáne úshinshi táýlikte 2 000 teńge, 3 táýlikten artyq bolǵan jaǵdaıda táýligine 3000 teńge turady. P1-P3 aımaǵynda ekinshi jáne úshinshi táýlikte 3 000 teńge, kólikti 3 táýlikten artyq qaldyrǵan jaǵdaıda táýligine 4 000 teńge. Sondaı-aq jabyq turaqqa kólik qaldyrsańyz, keıingi táýlikte kóktem-jaz mezgilinde táýligine 3000 teńgege, kúz-qys mezgilinde 4000 teńgege deıin ósedi», - delingen habarlamada.

Resmı aqparatta aıtylǵandaı, júrgizýshiler kóligin 7 táýlikten 40 táýlikke deıin áýejaı turaǵyna qaldyra alady.

«Nátıjesinde ózge jolaýshylar men shyǵaryp salýshylarǵa turaqtan bos oryn tabylmaı jatady. Jolaýshylardyń kóligin turaqta uzaq merzimge qaldyrý qys mezgilinde qardan tazalaý jumystaryna da kedergi keltiredi. Áýejaıdyń kólik turaǵy transportty qysqa merzimge qaldyrýǵa arnalǵan. Kólikti uzaq merzimge áýejaıdyń tegin turaǵyna qaldyrýǵa bolady», - deıdi áýejaıdan.