1 qazanda 16 aımaqta senatorlar saılaýy ótedi
Eske sala keteıik, Memleket basshysy «Qazaqstan Respýblıkasy Parlamenti Senatynyń depýtattaryn saılaýdy 2014 jylǵy 1 qazanǵa taǵaıyndaý týraly» Jarlyqqa qol qoıǵan bolatyn. Bul týraly búgin Ortalyq kommýnıkatsııalar qyzmetindegi brıfıngte Ortalyq saılaý komıssııasynyń tóraǵasy Qýandyq Turǵanqulov málim etti.
«2008 jyly 4 qazanynda saılanǵan 16 senatordyń ókilettik merziminiń aıaqtalýyna baılanysty bıylǵy jyldyń 1 qazanynda respýblıkamyzdyń 16 aımaǵynyń árqaısysynan bir-bir depýtattan saılanýy tıis. Bul kezekti saılaý. Senat depýtattaryn saılaý janama quqyǵy negizde jasyryn daýys berý arqyly júzege asyrylady. Daýys berýge tańdaýshylar, ıaǵnı máslıhat depýtattary qatysady», - dedi OSK tóraǵasy.
Onyń aıtýynsha, saılaýdyń mundaı tásili álemdik tájirıbede jıi kezdesedi. Mysaly, bizdiń elimizdegi sekildi eki palataly Parlamenti bar 77 memlekettiń 21-inde joǵary palata depýtattaryn tikeleı saılaýda, 18 elde taǵaıyndaý arqyly, al Frantsııa, Avstrııa, Nıderlandy sekildi 12 memlekette jańa saılaý arqyly júzege asady.