1 qarashaǵa deıin jetisýlyqtardyń ormanǵa barýyna tyıym salyndy

ASTANA. QazAqparat – Jetisý oblysynyń ákimi Beıbit Isabaev 1 qarashaǵa deıin jergilikti turǵyndardyń ormanǵa barýyna deıin tyıym salý týraly qaýlyǵa qol qoıdy, dep habarlaıdy QazAqparat tilshisi.

«Jetisý oblysynyń memlekettik orman qory aýmaǵynda órt qaýipi joǵarǵy kezeńde (jyl saıyn 1 sáýir men 1 qarashaǵa deıin) ormandarda jeke tulǵalardyń bolýyna tyıym salynsyn jáne ormandy paıdalaný quqyǵy shektelsin. Qaýlynyń oryndalýyn baqylaý «Jetisý oblysynyń tabıǵı resýrstar jáne tabıǵatty paıdalanýdy retteý basqarmasy» memlekettik mekemesine júktelsin», - delingen oblys basshysy qol qoıǵan qujatta.

Tyıym salýǵa baǵyttalǵan qaýly resmı jarııalanǵan kúnnen 10 kún ótip baryp, 23 maýsymda kúshine enedi.

Eske sala keteıik, mundaı shekteý buǵan deıin Jambyl, Qostanaı jáne Batys Qazaqstan oblystarynda engizilgen bolatyn.