1 qarasha. Tulǵalar týǵan kún

ASTANA. QazAqparat – QazAqparat 1 qarashaǵa arnalǵan «Tulǵalar týǵan kún» kúntizbesin usynady.

ESІMDER

89 jyl buryn (1933-2022) Qazaqstan Respýblıkasy Ulttyq ǵylym akademııasynyń akademıgi, Qazaqstan Respýblıkasy Tabıǵı ǵylymdar akademııasynyń akademıgi, zań ǵylymynyń uıymdastyrýshysy, teoretıgi, Sh. Ýálıhanov atyndaǵy syılyqtyń laýreaty Murat Tájimuratuly BAIMAHANOV dúnıege kelgen.

Almaty qalasynda týǵan. Máskeý Memlekettik ýnıversıtetin bitirgen.

Eńbek joly: Fılosofııa jáne quqyq ınstıtýtynyń (Memleket jáne quqyq ınstıtýty) ǵylymı qyzmetkeri, ǵylymı hatshysy, bólim meńgerýshisi, dırektor orynbasary, Instıtýttyń dırektory (1962-1992); Qazaqstan Respýblıkasy Konstıtýtsııalyq sotynyń tóraǵasy (1992-1995); «Qaınar» ýnıversıtetiniń prorektory (1995-1996); «Ádilet» Joǵary quqyq mektebiniń ǵylymı jumys jónindegi prorektory (1996); «Qaınar» ýnıversıtetiniń prorektory, zań fakýltetiniń dekany (1996-2002); Qazaq memlekettik zań ýnıversıtetiniń memleket jáne quqyq teorııasy men tarıhy kafedrasynyń meńgerýshisi (2005-2008); Qazaq memlekettik zań ýnıversıtetiniń janyndaǵy Ǵylymı saraptama jáne taldaý ınstıtýtynyń dırektory (2008 jyldan beri). 300-den astam ǵylymı eńbek jazǵan, sonyń 20-sy monografııa. Qazaqstan Respýblıkasynyń Konstıtýtsııasyn, memlekettik basqarý organdary týraly zań jobasyn jazýǵa qatysqan. AQSh, Frantsııa, Brazılııa jáne basqa elderde ótken halyqaralyq kongresterde baıandama oqyǵan.

QazKSR Joǵarǵy keńesiniń medaldarymen, qurmet gramotalarymen marapattalǵan.

86 jyl buryn (1936-2015) Qazaqstannyń halyq ártisi, eńbek sińirgen óner qaıratkeri, kórnekti kompozıtor Bazarbaı Saǵadıuly JUMANIıAZOV dúnıege keldi.

Batys Qazaqstan oblysynda týǵan. 1951-1955 jyldary Oral pedagogıkalyq ýchılışesinde, 1956-1958 jyldary Abaı atyndaǵy akademııalyq opera jáne balet teatrynyń janyndaǵy hor stýdııasynda bilim alǵan. 1965 jyly Almaty konservatorııasyn (qazirgi Qazaq ulttyq konservatorııasy) professor E.G.Brýsılovskıı klasy boıynsha bitirgen.

«Qazaqfılm» kınostýdııasynda mýzykalyq redaktor (1964-1965); «Mektep» baspasynda mýzyka redaktsııasynyń meńgerýshisi (1965-1966); 1966 jyldan Almaty konservatorııasynda pedagogıkalyq qyzmetpen shuǵyldandy; Qazaqstan kompozıtorlar odaǵynyń ekinshi hatshysy; KSRO Kompozıtorlar odaǵy basqarmasynyń múshesi (1973-1984); Qazaq akademııalyq opera jáne balet teatrynyń dırektory (1984-1987); Kompozıtorlar odaǵynyń birinshi hatshysy (1991-1998) qyzmetterin atqarǵan. Bazarbaı Jumanııazovtyń tuńǵysh mýzykalyq shyǵarmasy - «Jer» (O.Súleımenov sózine) oratorııasy. Sondaı-aq onyń «Mahambet» operasy (1990 jyl), «Otan týraly kantata» (1972 jyl), «Eńbek dańqy» (1974 jyl), «Otan saltanaty» (1974 jyl), «Merekelik sherý» (1980 jyl), «Dostyq» (1980 jyl), «Keń baıtaq Otanym meniń» (1988 jyl) kantatalary; «Halqym týraly án» (1969 jyl), «Kek áni» (1978 jyl), «1731» atty vokaldy-sımfonııalyq poemalary; «Dala» (1976 jyl) sımfonııalyq kartınasy; «Qýanysh» (1980 jyl) sımfonııalyq kúıi; sımfonııalyq orkestrge arnalǵan eki sıýıtasy (1985, 1987 jyl); «Aıtys» (1972 jyl) atty vokaldy-horeografııalyq kompozıtsııasy, «Aqyrzaman jastary» (Abaı sózine, 1995 jyl), «Jambyl toıy - el toıy» (K.Salyqov sózine, 1996 jyl), «Jambyl - Qulmambet» (T. Moldaǵalıev, 1996 jyl) kantatalary jáne kóptegen ánderi men romanstary bar. Sazger 10 spektakl men 18 kınofılmge mýzyka jazdy. Ol 1970 jyly Oljas Súleımenovtiń «Adamǵa tabyn jer, endi!» atty poemasyna arnap jazǵan 5 bólimdi kantatasy úshin Búkilodaqtyq jastar odaǵy syılyǵynyń laýreaty atandy. 1986 jyly «Halyqtar dostyǵy» jáne 1999 jyly «Parasat» ordenimen marapattalǵan.

59 jyl buryn (1963) Qazaqstan Respýblıkasy Ulttyq qaýipsizdik komıteti tóraǵasynyń orynbasary, Syrtqy barlaý qyzmetiniń dırektory Ǵabıt Jaqypbaıuly BAIJANOV dúnıege keldi.

Eńbek joly: Qazaqstan Respýblıkasy Ulttyq Qaýipsizdik komıtetiniń «Barlaý» qyzmeti dırektorynyń orynbasary (2007); «Syrbar» syrtqy barlaý qyzmeti dırektorynyń birinshi orynbasary (2009-2015); «Syrbar» syrtqy barlaý qyzmetiniń dırektory (2015-2018); Qazaqstan Respýblıkasy Prezıdentiniń kómekshisi - Qaýipsizdik Keńesiniń hatshysy (2018-2019); «Syrbar» syrtqy barlaý qyzmetiniń dırektory (02.2019-10.2019).

2019 jyldyń qazan aıynan beri qazirgi qyzmetinde.