1 qańtardan bastap Qazaqstanda kóshpeli tsırkter men zoobaqtarǵa tyıym salynady

<p>ASTANA. KAZINFORM &ndash; Bul týraly Ekologııa jáne tabıǵı resýrstar mınıstri Erlan Nysanbaev Úkimette ótken baspasóz máslıhatynda aıtty.</p>

– Shyn máninde janýarlarǵa jaýapkershilikpen qaraý týraly zańnamada jabaıy janýarlardy kórmege shyǵarýǵa, kóshpeli zoobaqtarǵa, kóshpeli okeanarıýmdarǵa jáne sol sııaqty sharalarǵa tyıym salatyn norma qarastyrylǵan. Bul norma 2025 jyldyń 1 qańtarynan bastap kúshine enedi. Sondyqtan meniń oıymsha, kelesi jyldyń 1 qańtarynan bastap mundaı kóshpeli tsırkter, zoobaqtar jáne basqalarynyń qyzmeti toqtatylady, - dedi mınıstr Úkimet úıinde.

Buǵan deıin Erlan Nysanbaev Qazaqstanǵa Nıderlandydan jetkizilgen jolbarystardyń alǵashqy qysy qalaı ótip jatqanyn aıtyp berdi.

Jolbarystardy tarıhı mekenine qaıta jersindirý baǵdarlamasy aıasynda Almaty oblysynda Іle-Balqash memlekettik tabıǵı rezervaty quryldy.

Jolbarystyń tabıǵı azyq qoryn qaıta qalpyna keltirý úshin 2018-2024 jyldary rezervat aýmaǵyna 205 toǵaı buǵysy ákelindi, 100-den astam qulan kóshirildi, elikter men qabandar popýlıatsııasy kóbeıtildi.

Bıyl kúzde Іle-Balqash rezervatynda arnaıy torly qorshaýda ósirý úshin Nıderlandydan 2 jolbarys ákelindi. Al 2025 jyly Reseı Federatsııasynan 3-4 jolbarys alyp kelý kútilýde.